}{ اعذريني }{

اعذريني ..
يا أول ما خفق قلبي .. يا أزهر ما نبت عشبي
يا روح الحب .. يا حب الروح
يا سيدة قلب أتعبته جروح ...
لآخر مرّه .. اسمعيني
لاجل الهوى .. لاجل السنين
أنا دخيلك بك سجين ...
أنا دخيلك اعتقيني ..
.
.
تأخرت فيني سنيني .. اعذريني
هذي عاداتي ..
على الوعد ابد ما جيت .. وانتي دايم تسبقيني
عيّت دروبي لك اجي ..
وعيّت دروبك بك تجي .. لا تتعبي
ولا تتعبيني ...
فيني بقايا عشق .. ما قلته
و ادري باقي عشق فيك .. ما شفته
وش ننتظر ؟ .. راح العمر
لا انتي عبرتي لضفتي .. ولا تركتيني أمر
لا تحتريني ..
.
.
للأماني قلوب خفّاقه .. وللوله ألف مشوار
لك كلّها سرّاقه .. وكل الظروف اعذار
مقدر المس النور .. لو اقدر
مقيّد ورى سور .. لا اكثر
لا تكرهيني ..
حبي انتي .. جرحي انتي .. بك جمعتي
اكرهك من كثر مااكره غيبتك لا من خطرتي ...
واعشقك من كثر مااعشق نظرتك لا من حضرتي ...
انتي سجني .. فيك منفى لي قديم
وانتي حبك .. قيدي اللّي ما يضيم
بس .. يكفيني
.
.
من ناظري .. هلّيت لك دمعه
ما شافها انسان ..
وفي خاطري .. ذكراك لي شمعه
ما كفّها نسيان ..
مشتاق ما تكفي .. فوق الشجون شجون
ولو طال بي وصفي .. كل الحروف تخون
ما عمرها تشفي ..
... سامحيني
.
.
دخيل الحب .. والأيام
اللي جمعتنا بالغرام ...
انا احبك .. هذا يكفيني
تأخرت فيني سنيني .. مدري دهر أو عام
لك دربك الوردي .. ولي ما بقى أوهام
واسمعيني ..
قبل يغلبنا الشجن .. ونعود
للهوى أحلام .. وللقدر موعود
ما عمر حلمٍ صاب كلّه .. وما احنا ترا لأحلامنا العلّه
لا بد من فاقد .. ولا بد من مفقود
بس .. لا تحلميني
.
.
كنت ظالم في خيالي ..
وكنتي اكبر من خيالي .. وكنت اصغر
والله اكبر ..
ما لنا حكم علينا .. ومالنا هاليوم مينا
ما غرقنا ولا رسينا .. ولا عرفنا للسفينه
اسمحي لي بالغرق ..
... يمكن انك توصلين
وإن نده قلبي عليك .. وده تشيله يديك
لا تجين لا تجين ...
ابحري اكثر واكثر .. واتركيني للغرق

عدد المساهمات : 135 الموقع : الرياض

شعر رووعه

الله لايحرمنا من مواضيعكـ الحلوة

الله يعطيك الف عافيهـ ..{

مشكوووره خيتو ع الموضوع ..

بأنتظار جديدك ..

موفقه بأذن الله ..

تحياتي /

عدد المساهمات : 102 الموقع : ksa

حلووووووو عن جد الموضوع الغلا

يعطيك العافيه

تحيتي

عدد المساهمات : 249 العمر : 33

$}{ اعذريني }{ Y1p2HIp0FNHYvFPdJ-Zk9arZF-R7pi_ujaL4lRdluuRDz9qhWTSVovCpJA7lgzmGQown9aGdLLOTAbqWdDVpf3pAQ$

خلف الجدران يقبع العشاق..